أفكار و خواطر

عندما لا تعشق الشيكولاته !

عندما لا تعشق الشيكولاته

يومياً نشاهد الإعلانات التليفزيونية لشركات الشيكولاته مثل جالاكسي و كادبوري و غيرها من أنواع الشيكولاته التي يذهب طعمها بعقل من يتناولها ، و لكن عندما تشاهد اعلاناً حياً و أنت تركب أحد أتوبيسات القاهرة CTA فهذا هو الجديد، بالأمس ركبت أنا و زميلي في العمل “حازم عطية” أحد أتوبيسات CTA الجديدة “الحمراء اللون” و فوجئنا بأحد الباعة يسوق لمنتج شيكولاتي جديد يدعي بأنه أفضل من “الأنواع اللي في السوبر ماركت اللي بجنيه و نص” و لكن القيمة المضافة التي لدى هذا المنتج أن سعره في متناول يد المستهلك المصري لأنه بنصف جنيه فقط لا غير!!، فما كان من صديقي “حازم” إلا ان قال” ما تيجي نجرب و أنا عازمك يا سيدي”. حاولت أن أحذره و لكنه آثر أن يخوض التجربة بنفسه، و بالفعل دفع مبلغ و قدره “جنيه واحد” حصل به على قطعتين شيكولاته “ماليزيا” و بدأ في تجربة الشيكولاته و طعمها في جو من التضحية بالنفس ، و فجأة ….
لن أخبركم الآن بما حدث لـ”حازم” و لكن سوف أترككم مع بعض الصور لشيكولاته “ماليزيا” مع بعض التعليقات على الصور و منها أعتقد أنكم سوف تخمنون ما حدث لـ “حازم”

الصور:
ظهر غلاف شيكولاته "ماليزيا"

شيكولاته “ماليزيا” معبأة يدوياً في أغلفة مرقة دجاج “ماجي”

صورة مقربة لشيكولاته “ماليزيا”

صورة جانبية لشيكولاته “ماليزيا”

في النهاية أود أن أشارككم بعض الخواطر:
  • هذه التدوينة ليست للسخرية من الشخص مصنع الشيكولاته أو من المسوق، و لكن وددت أن أعرضها بشكل ترفيهي ساخر حتى أكسر جو الجدية فيالتدوينات السابقة
  • يجب علينا الإجتهاد من أجل الحصول على المال لأن اليد العليا خير وأحب الى الله من اليد السفلى،، اي أن المسلم المنتج أحب الى الله من المسلم المتواكل
  • يجب على المسوق أن يتحلى بالأمانة إلى جانب قدرته على جذب العميل، حتى يكسبه لأطول فترة ممكنة
و قبل أن أختم التدوينة، أوجه لكم السؤال:

ما الذي حدث لحازم ؟

Written by admin in December 29, 2010 / 192 Views

14 Comments

  • Naglaa December 29, 2010 at 12:51 pm

    اكيد ما حصلوش حاجة 🙂

    Reply
    • محمد نبيل December 29, 2010 at 1:43 pm

      Naglaa
      شكراً جزيلاً على تعليقك ، وهو فعلاً حازم أقدر أقول انه محصلوش حاجة “وحشة قوي” ، و لكن السؤال اللي بيطرح نفسه ، هو محصلوش حاجة لأن الشيكولاته كويسة ، و لا لأن “حازم” لديه القدرة على الإحتمال ؟

      Reply
  • elshimaa December 29, 2010 at 1:29 pm

    hhhhhhhhhhh
    يمكن يامحمد ديه الشيكولاه اللى بيتعمل بيها مقالب زى اللى بتبقى محشيه شطه والحركات ديه (ريحتها كانت نفاذه)،، انتوا مفهمتوش الراجل الغلبان صح 😉

    وبالنسبه ياكونان للاجابه
    اكيد حازم قالك ولا يهمك يامحمد هعوضهالك بواحده “ليندت”

    Reply
    • محمد نبيل December 29, 2010 at 1:48 pm

      elshimaa
      زوجتي العزيزة ، شكراً جزيلاً على مشاركتك و تعليقك ، جايز فعلاً يكون الراجل كان بيحاول يخفف عن الشعب المصري معاناته و يسليه في الاتوبيس، ولكن بالنسبة ان حازم يعزمني تاني ، فأنا بالشكل ده أكون بستغل صداقتي ليه ، حرام عليا أعمل كدة 😀

      Reply
  • houssini December 29, 2010 at 1:46 pm

    تلبُك مَعوّي 🙂

    Reply
    • محمد نبيل December 29, 2010 at 1:51 pm

      houssini
      الصراحة أنا كنت متوقع حاجة شبيهة و لكن الحمد لله “حازم” سليم معافي بجواري الآن

      Reply
  • naglaa December 29, 2010 at 2:15 pm

    لأ هي الشيكولاتة طبعا باينة انها مش كويسة علي الإطلاق
    بس هو ما حصلوش حاجة علشان هو ده حازم اللي انا اعرفه
    الشيكولاتة هي اللي يحصل لها مش حازم

    Reply
  • hazem December 29, 2010 at 2:27 pm

    أنا حازم يا جماعه
    بس السؤال إللي بيطرح نفسه من ليندت ده

    بالنسبه ليك يا نبيل
    متقلقش الناهردة حعزمك على كفتة وسجق من اللمبي اللي في موقف العاشر

    أي خدمه يا man

    Reply
  • hazem December 29, 2010 at 2:28 pm

    بالنسبه ل نجلاء أكيد ثقتك في محلها الشوكلاتة هيه اللي حصلها 🙂 🙂 🙂 🙂

    Reply
  • محمد نبيل December 29, 2010 at 2:29 pm

    hazem
    لا تعليق يا حازم 🙁

    Reply
  • م-علاء December 29, 2010 at 8:44 pm

    طيب قولنا انته اللي حصل لحازم
    وبعدين تلاقي كل اللي فيها انها ممكن تكون شوكلاته بــ ربع جنيه والراجل عايز يكسب الربع التاني سيبوا بقى الناس في حالها

    بس انا عايزك تبقى انته اللي تعزم صديقك حازم المره اللي جايه نشوف هتطلع ايه

    بس في حته عجبتني في الراجل انهم اعادوا تدوير غلاف مرقه الدجاج واستخدموه بشكل تاني

    وبالهنا والشفا

    Reply
  • فكرى December 30, 2010 at 12:31 am

    هو مش ده حازم اللى كان عندى فى المستشفى امبارح؟؟

    Reply
    • محمد نبيل December 30, 2010 at 5:59 am

      ههههههههههه لَا يافكري، الحمد لله حازم ده لم يصب بأي شئ و الحمد لله

      Reply
  • كمونة January 4, 2011 at 3:26 pm

    لن تجد اي دولة عربية بها هذا النوع من الشيكولاتة وبهذا
    التميز

    Reply
  • Please Post Your Comments & Reviews

    Your email address will not be published. Required fields are marked *